YUA KPE KI GUA KI FI YA SIEDI N2


Lanin ya siedi tie o bonlielo yaala n tie caga luoba yuli nni. Ki bandi mi bangimi ˝uadu, gadi ki cili o bonyendo ki ban gbeni o bonluobilo kuli.


Dana waamu, n den di guadi ki yini i nimero yeni. Julia di ta i telefoni. Li den paki o boncianla. N den yedi o :" Julia, gedi deeni nni ki ban waani n danba ban soani n po tiadu kelima n ya nieni bonkpabili." Julia den yasi boncianla ki guadi ki bili i telefoni. N waalo yua n den padi nni yeni n den gbadi ke bi kuagi li maama, o den waani n maama bi tankpiibi diema nni ke ki liigi yaaba waani nni ke min dii di ta i telefoni. N den bia ki tie niboano, ama bi niba wan nua ke n tie arabu, kelima n den ta nannan fanli. N den bani yaaba n da n po yeni ama ban wan ki bani nni. Bi niba yaaba n goadi yeni kuli ki tie nisaaliba. Min wani bi tie nani cicibiadiga, ki pia nisaali yantiali ki nan tuuni sutaani diema po.


Mi ˝ima tingi po n te maama


Dayenli ke n den tuni n tuona nani min maani ki tuni maama, mamiwata yendo ke o ˝ia Pandemoniyomi diema ke bi yi o Madam Jakelini. O den cua ki tinga nni ki baa goandi sutaani tuoncaga tin ye naan yeni. O den noandi n bitiga tontoni, kelima o tie mamiwata, cicibiadiga yua n pia paalu boncianla ki cuoni nani mi ta˝agimi yeni. O den yedi ke o bua ki taa nni li tuonli, o den yedi ke min cua o kani mi ˝ima tinga po, naan kani ke o ye. O den yedi nni :"A tuonli ŋandunli nne gbeni. Moala puoli a baa ya tuuni mini yapo ki tie yua gu nni mi ˝ima nni." Lan fi ki fa, o den cua leni yua baa ga n buoli ke n teni o i kilenba. Min baa gedi ya daali mi ˝ima tinga den pundi, li sua ke ti den tie nibina. Ti kuli den tie cicila ki tuni i bitimu nni mi boanmaŋandunli po o dogu nni. Mamiwata yeni den taa ti ke ti gedi ki baagu ban yi yua kongo bonjaali po.


O den waani ti tin baa tieni maama ki fidi ki luodi mi ˝ima tingi po diemaya sanu. Wan baa bodi ya yogunu, o den teni ti U Tienu tili o ŋantaadipaano, tudaali, buyi boana lie leni jenli. O den teni ti verse tin baa togisi yua ki nan tuuni ti tuonli. Mamiwata yeni den ˝ani ti siiga ki liigi yua ki waani o tin baa masi ya ˝amaama o ŋantaadipaano nni. O den yedi o ke ti baa tieni i tudaali yeni ti nuni ti yaa togisi mi maama yeni ki gbeni ya yogunu, ki lu a jena mo ŋali i buyinba yaa ban gbindi ya yogunu ki fidi ki luodi mi ˝ima tinga ya buli˝abu. O den yuandi ki bodi. Ti lielo yeni den cili ki togisi mi maama yeni. Li ya puoli o den tieni i tudaali yeni ti nuni nni, i buyinba n den gbindi ya yogunu, o den luni a jena yeni mi ˝ima nni. Mi ˝ima yeni den fuadi nani Isalele bila n baa duodi mi ˝incianmoanma maama yeni. U sanu yua n pia mi ˝oagisima den cili ki baagu yeni kunu, ki gedi ki baagu densiiga. Li ya sanu den ca Pandemoniyomi diema, mi ˝ima tinga.


Tin den ta u sanu yeni ya yogunu, ti den la ke u dogu yun ŋani boncianla ke tii da kpia ki la li ya dogu ŋali tin mali, ye ti liiga. O dogu yeni den ŋani, ki tie ya dogu n pia paalu mo. Li den tie ŋanduntoali. Li tie moani, laa pia ŋandunli ne ya ŋandunli n fu ki niasi leni ya ŋandunli n ye mi ˝ima tinga. Ti den la a dieciama ŋali ke bi maaba ke li ŋani ŋali bioncianla. Li ya kaanu tuona ye yaala n tie tin ye ya ŋandunli ne liiga ke li foagi. Bi ya diedu n ma maama mo cie tinga nne ŋandunli boncianla. Li ya ŋandunli ŋani ŋali boncianla, ke bi diedi mo ma leni ya tanaya dunga n pa. Tin den pundi li ya dogu nni, ti den la li ya pociamo Jakelini ke o guuti. O den ga ti cangu leni pamanli, ki gedini ti o denpo, o dieli nni. Tin den pundi ya yogunu, o den waani ti o niba leni o tuonsoanba. O den yedi ba : "Nii nua bi nipanba yaaba n baa gu nni." Tin den cili ki baa soani lan ya kaapaanu, n den cili ki laadi ya niciama n gobidi ti ŋandunli ne.


N den la bi badiba dayela, a nikpiaga leni tin laadi ya niba tele nni kuli. N den la ti baantiadi danba, n pali den bisi kelima n den la tin laadi ya niciama tele nni yeni mo. N den laa ba lisiferi diema nni yaala n tie mi ˝ima tinga. Bi fuo li kani ki kua sutaani taana mo yogunu kuli. Sutaani ya gufenecianli ya gobidi li ya ŋandunli. Li pia Kongo mo nibilie ke bi ye li kani : o yendo tie pasiteri, o yendo mo tie yanyanlo. Li ya gufeneri nni pia yaaba n ka sutaani ganu po ki go pia yaaba mo n ka o jienu po. Sutaani tuonsoanba tianba masi ke bi tie sutaani tidianta, ama moamoani, sutaani tidianta tie ya malekinba n taani ki ba leni o yeni, laa tie nisaaliba. Bi den janbo, o tuonsoanba boncianla sani o kani ki tua JESU yaaba. Lan yapo waa di dugi nisaalo po. Tin tuuni ya mamiwata yeni den ta sutaani gufeneri nni. Li tie wani n teni ke ti baa ki la lisiferi. Ki ba ki gedi sutaani bali kali kaanu ki tie ya bonla n dingi kelima o mo tie tienu ya mi ˝ima ya ŋandunli nni. li tie yaaba n ye o gufeneri nni nani Jakelini, Andu Sankara leni Nabama n fu ki gedi li kani faala.


Ki bolini li ŋandunli tie sutaani n mua ya muali, ki tasi ya jaga, ki boni ya buoli. N bua ki waani yi ke n gedi sutaani diema nni leni n gbannandi, laa tie n naanu ka. Ti diedu maama li ya ŋandunli nni tie mi ˝amaama bebe. Ŋali bi bua ki ma mi ˝ima tinga diegu, a cicibiada ko yen masi mi maama bebe, ban bua ki diegu n yaa tie maama, ki diegu yeni n cua ki sedi. Li tie tin bandi ke mi ˝ima nni ŋandunli pia depitenba, ke li ya kaanu bi ya tuonli mo tie ki kali ki le ban baa tieni maama ki bolini bi nisaaliba. Tin den pundi mi ˝ima ŋandunli nni, Jakelini den kuani ti yua kuli o diegu nni. O den yen baa cua ki ti taati ŋali o yen tuoni ti ya yogunu.


Tin kali li ya diedu nni ki gbeni, o den yedi ke yua kuli n ta o pua ki nan fidi ki soani opo. O den waani ti bi puoba. Ama li ya puoŋama den tie bedipuomu, mi ˝ima nni puoba, mamiwatanba. Lanwani ti den ta bi puoba. Tin tieni ya potaali ki pia mi paadima leni ki tinga nne.Min den ta n pua, Jakelini den puni ti dietoagu. N den ba bila na leni n pua yua tie mamiwata, ke n ŋa o mi ˝ima diema nni. Ŋali mamiwata punba, o tugu kan cie dana ŋa bianu. Wan baa ma ya bila mo tie cicibiadi galike. Baa tie yaaba n kaa fu ki kpe ka. Li ya bila mo yen yabidi tontoni. Ŋali li ya bila yen yabidi, bi yen soaniba ki tinga nni yua kuli leni o tuonli. Ŋali bi yen cua ŋandunli nne, bi yen naani leni bi nisaaliba ŋali maama ke li pa leni ki fidi ki paadiba. Bi gubi a tuonciama.


U Tienu tili masi Micilima 6 :1 Bi niba n den cili ki pugidi boncianla ki tinga kuli nni ya yogunu ki maa a bonpola, 2 U Tienu ya bijaba den laa ke bi niba bisiaba den ŋani ŋali bonŋanla, lane bi den taa bi ya siiga ban den bua yaaba ke bi tua bi puoba. ;4 U Tienu ya bijaba n den kua bi niba ya bisiaba kani ke bi den mali bipo a bila, laa yogunu ti niciandi den ye ki tinga nni. Li den tie laa nikpiaba, yaaba n den bili jama ŋali puoli po yogunu. Mi ˝ima nni ŋandunli gbie leni cicibiadi galike, yaaba n ˝ani bi nisaaliba leni mamiwatanba taanma. Sutaani ŋandunli yaali n ye tinga tie mi ˝ima nni. Tinba yaaba n tie JESU yaaba, tin bandi ke tin nua ya ˝ima ne kuli tugu nni pia tinbuona leni bi niba boncianla. Li pia niba yaaba n fuo li kani ke bi fuoma ki pia paadima leni tin fuo maama ki tinga nne, kelima lipo ya diedu mo ko tie nani tin piaya diedu tinga nne. Lipo mo bi niba ca li tuonli ke bi paaba i pani. Bi tasi bi puoba ki ma a bila, a sanbila ye, a lola moko ye. Bi pia a dadiena leni mi jiema diedu mo.


N cogu leni n bangima mi ˝ima nni ya ŋandunli


Min ta o pua, Jakelini den puni sanu ke tin fudi ki tieni mi bangima yaala n tie a tuoncaga boncianla nni, kelima bi baa yaa soangiti ki tinga nni yogunu kuli a tuona boncianla po. Ti bangima den tie mi yanfuoma bangima. Li ya bangima nni, n den bangi ki ŋmagidi loli ba ke mii kpia ki ba loli tinga nne. N tiadi min bi ye ya yogunu mi ˝imin ya ŋandunli, li kani den piaya loli ke bi yi o Rene, ama ke li ya loli ki da bi ye tinga nne. Li ya loli den ŋani ke o tiadu tuona mo san ki ye liiga yaala n te ya lola n ye tinga nne yapo. A banbandiciama yaaba n calan ya ŋandunli nni den buadi ki togisi li ya tuona tinga nne. Ama lipo, li loli yeni pia ordinateri ke wan ya tuuni. Ŋali li tie ke a ˝i ya kpaali n diani jiema, li loli tugu baa kpandi jietienma diegu, ŋali a ˝i walima, o tugu n kpandi ˝inwalidiegu.


Bandi mani ke a babandiciama kuli tie sutaani tuonsoanba. Bi yen gedi Pandemoniyomi diema nni ki ban soani leni a cicibiada, ban kuani ba mi banma ban guadi ki cua ki yaa ti tuuni tinga nne. Sutaani diema pia a caga boncianla. Li tie ya ŋandunli n pia mi banma ke li dagidi. A masina bancianma tin pia yaala tinga nne moala ne kuli cili sutaani diema nni. Li ŋandunli nni babandiciama yen gedi Pandemoniyomi diema nni ki ban lingi mi banma kelima lipo ya banma cie tinga nne yaama boncianla. Mamiwata yeni den kuani ti a tuoncaga boncianla bangima nni, ki bua tin bangi tin baa ti ban tuuni ya tuona ki tinga nni. Mi bangimi yeni den tuugi leni mi bancianma tuona. Yaala n tie tuona nni, n den bangi yaala n baa ŋmagidi loli, tere, bato, kutaamo, ba ke min kaa kpe ya yogunu, mii ˝ia ki ˝agidi loli, mii ˝ia ki jagini kutaamo. N den bangi li kuli mi ˝ima tinga.


N den tieni ki jeligu buolu boncianla ke li ŋoadi leni mamiwata yeni n den teni ke n bangi la. N den bangi ti baatiadu puadu. Bi den bangi ti tin baa cuoni maama leni ki liigi yaaba. Ti den bangi tin baa cuoni leni tin baa kuagi maama leni politiki liigi yaaba. Yaala n tie mi boanma nni ya tuona po, ti den bangi tin baa kpa o nisaalo maama. li ya bangima den tie tilasi kelima ti de baa cua ki tinga nni ki ti tie cicibiada, ki go tie niba mo. Ti den baa tuni nani cicibiada. Sutaani diema mayuli tie ki tieni maama ki bilini bi nisaaliba leni li jaadieli. Ti den bangi mi bolinma tuona kuli. Ti den bangi mi fawaama nni tuonli, ti den bangi ki yaa tie cicibiada yaaba n bolindi. Ti den bangi tin baa tie maama ki yindi.


Ti den bangi tin baa tie maama ki kua o nisaalo gbanu nni ki diedi o ban yaa tie yaala n kaa ŋani. Ti den bangi tin baa cuo bi niba naani maama ki kpaaba. Li ya bangima n den gbeni, bi den baa taati tin ban soani mi bolinma tuonli. Tin lingi yaaba siiga, bi jajaantieba n cie kelima li pia li koanli sutaani diema leni mi yenma diema. Ti den baa teni akisidanba n tieni, kelima ti den tua nani a cicibiada yeni ba ki den pia bi nisaaliba yantiana.li po ya yema ki den pia mi paadima boncianla leni tinga nne yema. Daali kuli n ca li tuonli, n pia pua leni bila.


N la n canba waalo buga mi ˝ima ŋandunli nni.


N tiadi dayenli ke min leni n lieba ke ti den ye mi ˝ima nni ya ŋandunli, ke n ti nua n waalo. Bi niba den coni o ki fuli o ki caani o mii bani naan kani. Min den laaba, n den bandi n waalo yeni, n den pigini bi sanu. N den buali n waalo :"N waalo, ni ca le ya manin ?" Li den paki o ke o yedi : "N ciamo Matie, mii bani. Lanin ya niba den cua ki coni nni, mii bani ban caani nni naani."N den yedi o :"N walo, a kan fidi nieni ŋandunli yema, a baa guadi ki tinga nni ba lan baa te maama kuli." Lanwani yaaba n den coni n waalo naanu yeni den cili ki nia leni nni, ama min den tie yua gu Jakelini yeni, n den pia o paalu ki cieba.


Lanwani n den yedi ke ban guani n waalo naanu o gbannandu nni. Min den nugi ya yogunu leni ya sutaani tuonsoanba yaaba n coni n waalo naanu yeni, li ya yogunu sua ke o yia tingi nne ki paba. Nani min den yie bipo maama bi den ŋa n waalo yeni naanu ke o guadi o gbannandu nni ki tinga nni. wan den ti pabidi, o den mua boncianla. Yogunu waamu o den ti waani deeninyaaba ke nibi luobi den coni o naanu ki gedi nni mi boanma nni ŋandunli. O den waani deeninyaaba ke wan den ban la nni lipo, ke min ya koani ki ga wani ke lan ya sutaaani tuonsonba ŋa wani.


Ban kuasi ya tiadi mi ˝ima nni ŋandunli


N kpibuadiba, bandi mani ke tin gubi yaala li ŋandunli nne kobigi yuli nni, piyia ˝ia(90/100) lisiferi diema nni. ŋali ya yogunu ke sutaani bua ki ba naani bi bi puoba, o yen tigini mamiwatanba. Li ya puoba pia ti yudi ke li foagi ki pundi ŋali bi taana. O yen teni ban jobi ti yudi. Ki ŋanbi ti yudi yeni ki nan yuandi ki teni lan cua tinga nne. Bi yen tieni la papienbi nni ki cuani la tinga nne. Yin bandi bonŋanla ke bi yen soani leni lan ya yudi maama keli baa fidi ki kua bi puoba yeni nii nni, bi ki bisi tianba dankuama. Ŋali a tugi lan ya yudu ki maani, a manigu yeni baa kua ti yudu n yeni, ban fidi ki gedi nni a manigu, yaama n tie a soama yeni li biigili diema nni. Leni a manigu yeni, bi baa fidi ki yaa gobidi a yema kelima ki manigu tie a soama. Puobi boncianla ye ke bi gobidi bi yema ŋali li biigili diema nni ki yen teni bi dankuama n bisi.


N tiadi min den guadi ki cua ŋandunli nne ya yogunu, n den waani bi puoba ke ban faami bi yula leni ya yudu n baa cua ke bi yi la kabelo ama li ya yudu ki da bi ye tinga nne. Min ˝ia lipo ya yogunu, ke bi ŋangiti li ya yudu. N den ŋa ke mamiwatanbi ya ŋangiti lan ya yudu ki baa moandi lan cua tinga nne. N den waani bi niba leni ya yudu n baa ti cua ke bi yila Kabelo. Ama min ˝ani lipo panpan yeni, bi niba den tama ke n tie ŋaliwasima. Lan tieni yogunu waamu, li ya yudu den cua. N buakaaba, yin jaanti mani ki mia ke JESU soama n bisi ban tieni yaala ki gobi yi li biigili ŋandunli nni keli ŋoadi leni tin tuni leni ya tiadi tinga nne. Yin moadi ki bangi ki yaa jaanti leni bali ŋali yi baa ban da bonla.


Tin nua yaaba ke bi nan tie cicibiada ya tuonli


A fu ki buali lan ga maama ke mi ˝ima nni ya ŋandunli tiadu fu ki kua tinga nne. Li maguankaama faali. N den waani yi ke n bi ta pua lipo. Ti den pia bila na. Li ya bila tie bigalika, bi tie yaaba n fu ki kpe. Bi nisaaliba leni li ya puoba yaa taani ki mali ya buga, o da yen fuo lipo, ŋali o ti tie jawaalo, bi yen soanba tinga nne ke yua kuli pia ban soani o yaala yapo. Li ya tuona pia bianu. Bi yen soani tianba bina pimu(50) bi bina piluoba(60). Bi yen cua leni i ligi ki ti tieni bi proyenba, bi tuoncaga. Bi yen ta bi tuonsoanba ke ban sani ki tie ban ba yaaba bi gbaami po. Nani li ya niba yaaba n tie a cicila yeni tuonli n tie ki ba bi niba yaala n tie li biigili diema po yeni, bi yen ta lan ya niba ki yaa tie bi gbaami bi tuonli kaanu.


O ba kuli kan bandi ke li ŋua bani kelima bi tuni bi tuonli leni banma. Yaaba n gobidi tuonsoancagiciama tianba mali ki yabidi li biigili diema nni. Bi tie nisaaliba leni mamiwatanba taanma ya bila. Bi cua ki baa soani ki tinga nni. Ya tiadu buolu n koasi li ya diedu nni ke lan tie jiema, ke lan tie tiadu, ki lan tie bon falikaala kuli ˝ia mi ˝ima tinga. Lanwani li pia tuonsoankaani yaaba n tuuni leni sutaani ŋandunli, ki gaani ti tiadu yaala n ˝ia lipo. Yaala n tie tin di ya jiema tingi nne, tianbi ye ki yen gedi ki ban la ˝oagidanba ki bua ki ba i ligi. Bi yen baa yedi ban tieni bi nisaaliba gbaamu a cicibiada po. Ya cicibiada n ye sutaani diema nni ˝u ˝ima ama daali kuli bi yen baa ˝o mi soama mo. Ŋali bi tieni nisaali gbaamu cicibiadiga po, o yen ˝o mi soama ki yuanti ki ta ti gbannandu ki gedi nni ti tuonsoandiedu nni. Li kani, bi yen ban jiajia ti nandu ki ŋangila ki tieni la boata nni. Li ya boata, bi yen ŋuani la yaala n tie tinga nne tuonsoandiedu naan kani ke a cicibiada ya gobidi li tuonli yeni.


Li muali leni li koankoanli leni JESU yaaba


N buakaaba, "11 Yin bobi mani U Tienu n puni yi ya toatiadi kuli ke yin fidi ki ya se bonŋanla, ki yie ku tuotabigu yudaano nunfanbiadibu kuli po. 12 Kelima tii koani leni ya yibalinba n pia ti gbanandi leni mi soama ka. Ama ti koani leni li bali danba len i paaciami danba leni yaaba n die li biigili ŋandunli, ki tie ya cicibiadimu ki ye mi fawaama nni. 13 Lani yaa po yin taa mani U Tienu n puni yi ya toatiadi kuli, ke yin fidi ki sedi ki yie yaala n bia ya ti cua ya daali ki koani ki paadi, ki go ya se ke li pa mo."Efesa 6 :11-13


Ya yogunu ke mi bangimi yen gbeni, li yen tie la yogunu ke ti baa gedi ki tingi yaala n tie kii ban koani leni JESU yaaba leni li ŋandunli yaaba. Ti tuonkpiali den tie ki moandi ban kpa JESU yua ke o bi tie sutaani tuonsoanlo. O ti yuan ke JESU den faabi o yaala n tie li biigili diema nni, ki seligi o ke o pia i ligi. Li ya nilo den yen ca a jaandiena nni ki wangi sutaani diema n tie maama leni li ya ŋasiili, leni bi tuona n tie maama. Lanwani bi den "˝ani ti ke tin ban kpa o. Ama ŋali ti yen bua ki kpa JESU yua, ti da yen kpia ki tieni li daano fotinba li ya yogunu ko. Li ya foti yen waani tin bua ki kpa yuan yeni leni wan ye naan kani ki tie yaala kuli. Ti yen tama ke bi niba yaaba n ye tinga nne kuli, bi yen filime ba yogunu kuli sutaani diema nni. I mamiwata den waani o nibili li goanli po. Tele den daadi, ki waani ti li ya pasiteri.


Tin den cili ti tuonli ki baa koani leni i pasiteri yeni, ti den lingi sanbili yaala n baa fidi o, ama li ya joa den luoni i sanbila kuli o miali yema nni. Ti den lingi bonla yaala n bia ki tie sutaani yaala ama o de jie U Tienu. U Tienu tili masi Jan 14 : "30 N kan go maadi leni yi boncianla, kelima ŋanduna bado kpendi. Waa pia npo baliba kuli. 31 Ama li tie tiladi ke ŋanduna kuli n bandi ke n bua Baa ki tiendi wan puogi nni yaala. Fii mani tin fuadi nekanba".N kpibuadiba, daa gubi mani sutaani bonla ŋali yi ca ki baan tuogi o bu toabu. Niba boncianla n fuo ya tuonbiyema nni tie sutaani yaala. Ti den ti jagi ke ti baa pua lan ya joa ba ke tii la sanu yaala n baa kua. Ti den cuoni nani a cicila yeni ki cua o deeni nni. Ti den fu ki la lan ya joa. O den dua o deeni nni leni o pua bi duanu kani. Lanwani ti den koani o dieli nni wan dua naan kani leni o pua yeni. O ko den dua liiga waamu ti nintuali. Ti den ŋagili ki gbeni.


Ti den cili ki tiendi i ˝akaadi, ki bua ki cuo i pasiteri yeni naanu ki gedi nni Pandemoniyomi diema nni. Ŋali ya yogunu ke ti yen coni o nilo naanu tinga nne, ti yen gedini o sutaani diema nni, bi yen ban tienu u badu. O badu yaa ban pendi, bi yen paati i pani. Ti den ye lan ya pasiteri deeni nni ki tiendi i ˝akaadi ki bua ki cuo o naanu, lan ya tie bonla n tieni. Nilo yua n lia ti tiapiendi den doagidi o yuli. O den ŋani, o den tie mi yenma nilo. Li den tie nani waa bani ke ti ye li kani, o den li sie suoo ki ŋmini. O den nagini i pasiteri yeni, ki pi wan leni o pua leni ya cabili n ˝ia o nibila nni. Lan den cuani yaala tie ke tii di laaba, ba bi duanu mo. Lanwani mi yenma nilo den bodi.


U Tienu n seligi yi





Tweet
Yi pia u sanu ki dadi li ya tila ki boagidi ha.
Ki bak i kuani lanin ya tila, yin ˝i naan kani ke li diani PDF yeni.
PDF

Ki bak i yaa cogi a tila, yi baa yaa pia Acrobat Reader.
Hali yi kaa da pia o, yi fu kuani fanma
 :